The background song on this page is Listen To The Teacher, written and sung by Nancy Nicolson of Caithness, who was a teacher in Edinburgh, now retired.
If you want to download this song free, go to our 'Download Music and Podcasts' page, scroll down to the last page on the left. ←
Listen Tae The Teacher
by Nancy Nicolson of Caithness
He's 5 year auld, he's aff tae school
Fairmer's bairn wi a pencil and a rule
His teacher scoffs when he says "hoose"
"The word is house, you silly little goose"
He tells his ma when he gets back
He saw a mouse in an auld cairt track
His faither laughs fae the stackyard dyke
"Yon's a moose ye daft wee tyke"
Listen tae the teacher, dinna say dinna
Listen tae the teacher, dinna say hoose
Listen tae the teacher, ye canna say maunna
Listen tae the teacher, ye maunna say moose
He bit his lip an shut his mooth
Which one could he trust for truth
He took his burden o'er the hill
Tae auld grey Geordie o' the mill
"An did they mock thee for thy tongue
Wi them sae auld and you sae young?
They werena makin a fool o' ye
They were makin a fool o' themsels ye see"
"Say hoose tae the faither, house tae the teacher
Moose tae the fairmer, mouse tae the preacher
When yer young it's weel for you
Tae dae in Rome as Romans do
But when ye grow an ye are auld
Ye needna dae as ye are tauld
Don't trim yer tongue tae suit yon dame
That scorns the language o' her hame"
Then teacher thocht that he was fine
He kept in step, he stayed in line
Faither says that he was gran
He spoke his ain tongue like a man
An when he grew and made his choice
He chose his Scots, his native voice
And I charge ye tae dae likewise
Spurn yon pair misguided cries